Media Verklarings Archives - Solidariteit Beweging

Solidarity’s fight against the National Health Insurance (NHI) Act

Posted on July 30, 2024July 30, 2024 by anneke

What is the National Health Insurance Act?

National Health Insurance (NHI), under state control, is proposed as the single purchaser of all healthcare in South Africa. One of the most notable problems with this proposition is that as soon as a specific service is covered by the NHI, it would become illegal to receive it through any means other than the NHI. The state would therefore not just be the single purchaser, but would effectively control which health services would be available in South Africa, as well as how and by whom those services may be provided.

In June last year the National Assembly agreed to the National Health Insurance (NHI) Bill making provision for the introduction of the NHI, and in December the Bill was also approved by the National Council of Provinces. Weeks before the national election in May 2024, President Cyril Ramaphosa signed the Bill into law. This Act sets out to offer “free” healthcare to all citizens, including expensive medical procedures currently done in private hospitals. Although it seems like a noble notion, it is however important to note that the free healthcare the government already provides in state hospitals and clinics is already unsustainable and these facilities are in unthinkably awful conditions. The NHI is an unaffordable attempt from the state which would drastically cut the income of its citizens, as it would be mainly funded by a very small number of taxpayers.

The Minister of Finance did not budget for a reasonable amount for the implementation of the NHI, which implies that the Treasury does not foresee the actual implementation of the NHI in the near future. This was also the case with the previous submissions of the Bill, and now, with the Bill having been passed, the officials concerned still did not provide for this constitutional requirement.

Even so, the funding structure proposed in the NHI Bill makes provision for a new payroll tax, as well as for a surcharge on income tax. This is in addition to general tax revenue and a planned re-allocation of provincial budgets and conditional allocations, as well as from tax credits for medical schemes.

If the government projections made at that time are to be believed, the NHI will result in the budget deficit being further increased by about R32 billion. A more realistic calculation, as shown in a research report by the Solidarity Research Institute (SRI), shows a deficit of R295,93 billion as an absolute minimum. Treasury cannot afford a deficit of R32 billion, let alone a deficit of R295,93 billion.

Theoretically, R295,93 billion could be generated by abolishing the medical tax credit (about R30 billion) and levying the following taxes:

A 40% surcharge on income tax;
Increasing VAT from 15% to 22%;
A payroll tax of 13,4%;
Increasing corporate income tax from 27% to 45%; and
A combination of these.

In real terms, none of these is possible, because the South African taxpayer is overtaxed.

The theoretical examples given here above serve as illustration purposes only and to demonstrate the absurdity of the NHI.

The National Health Act and a victory in court

On 24 June 2024 Solidarity managed to have one of the major cornerstones of the proposed National Health Insurance (NHI) pulled down by means of its legal action when the North Gauteng High Court declared sections 36 to 40 of the National Health Act unconstitutional. The court also granted a cost award against the respondents.

According to Solidarity, the state’s goal with these sections in the National Health Act clearly was to pave the way for the NHI.

“The government wants to change to a system in which health care is nationalised and health care practitioners become servants of the state so that the provision of all health care can be centrally controlled by the state. This victory thwarts those disastrous plans,” Solidarity Chief Executive Dr Dirk Hermann said.

Sections 36 to 40 of the National Health Act provide that health care practitioners obtain a certificate of need (CoN) from the Department of Health before they can establish a practice in a specific area.

By declaring these sections unconstitutional, this court ruling will have an impact on the implementation of the NHI Act and will complicate the processes to implement it.

After the court ruling by the North Gauteng High Court, the Minister of Health, Dr Aaron Motsoaledi, denied that the ruling on the National Health Act made the National Health Insurance (NHI) Act vulnerable, denying any connection with the NHI Act while accusing pressure groups of spreading “toxic propaganda”.

However, his own department’s spokesperson, Foster Mohale, was quoted on multiple occasions in the past, reaching this exact conclusion that the two are connected when the sections were first declared invalid in 2022.

“The ruling has serious implications for the implementation of the National Health Insurance (NHI), and the Department of Health will request that the ruling be overturned and will contest the case in the Constitutional Court,” Mohale said at the time.

Hermann says that the government does not have a track record of “doing the right thing,” and Solidarity will therefore be ready to continue the fight in court.

What are the implications of the NHI for South Africa?

Dr Eugene Brink, strategic advisor for community affairs at AfriForum, also explored the implications of National Health Insurance in an article published on Solidarity’s platform. He writes that the NHI could be very dangerous if ever fully implemented.

In his article he quotes Bloom Financial Services, which stated that the NHI would destroy comprehensive medical schemes. “Once implemented, medical schemes won’t be able to offer any health services already offered by the NHI. Medical aid will only offer you extra services not covered by the NHI.”

Brink also pointed out that all healthcare funds would be centralised (actually nationalised) in a single state-controlled fund. Given what the government as curator of tax money has caused as a result of blatant corruption and abuse, this is a chilling thought.

The medical aid fund Discovery offers further criticism in this regard, also quoted in Brink’s article: “Our strong view is that limiting the role of medical schemes would be counterproductive to the NHI because there are simply insufficient resources to meet the needs of all South Africans. Limiting people from purchasing the medical scheme coverage they seek will seriously curtail the healthcare they expect and demand. It poses the risks of eroding sentiment and of denuding the country of critically needed skills, and is impacting negatively on local and international investor sentiment and business confidence.”

Brink also refers to Prof. Nicola Theron and Dr Paula Armstrong of FTI Consulting who recently wrote that to insist that the only path to universal healthcare (UHC) is through a single pool of funds managed by the government and the erosion of the role of medical schemes as purchasers of medical services would probably contribute to the demise of a strong and well-functioning private healthcare section. It narrows consumer choice, erodes competition and may even lead to the same outcomes as recent examples of what has become of state-owned enterprises and funds. Read the full article here.

No end in sight for the fight against the NHI yet

“Solidarity is vehemently opposed to the NHI and is strongly in favour of a market approach, offering a choice to private service providers and to the public, while at the same time being in favour of an improved public healthcare system. NHI will ruin South Africa and Solidarity is preparing for a major court battle to ensure that the healthcare sector is free, safe and prosperous,” Brink concluded his article.

Solidariteit Beweging verwelkom kritiek in Amerikaanse kongres oor rigting van ANC-regering

Posted on November 1, 2023November 1, 2023 by BeweegAdministrator

Die Solidariteit Beweging het ’n reeks skerp uitsprake gister deur die voorsitter van die Afrika-subkomitee in die Amerikaanse kongres in Washington DC, verwelkom. John James, ’n swart Republikein van Michigan, het tydens ’n openbare verhoor oor die verhouding tussen Suid-Afrika en die VSA gesê dat Suid-Afrika onder die ANC-regering in ’n slegte spiraal van korrupsie, staatskaping en toenemende regeringsafhanklikheid verval het en dat daar van die waardes wat in die 1990’s deur die ANC-regering voorgehou is, wegbeweeg is.

Die Solidariteit Beweging het verlede week tydens ’n besoek aan Washington verskeie dokumente aan James se beleidshoof oorhandig. Dit sluit in dokumente oor staatskaping, die voorgenome onteiening sonder vergoeding, sentralisering van mag, asook misdaadsyfers, insluitende dié van plaasmoorde. Volgens Werner Human, operasionele hoof van die Beweging, is verskeie van die Beweging se argumente tydens gister se verhore deur James en sy mede-kongreslede gebruik. “Dit is vir ons duidelik dat ’n baie sterk stem teen die ANC se misbruik van mag in die Amerikaanse kongres na vore tree. Ons verwelkom dit.”

Die Solidariteit Beweging is tans op ’n uitgebreide besoek aan die VSA waartydens inligting oor gebeure in Suid-Afrika aan beleidsmakers beskikbaar gestel word, asook konkrete voorstelle oor wat die VSA kan doen om die oppergesag van die reg in Suid-Afrika te help beskerm, en wat gedoen kan word om Suid-Afrika se toenemende sentralistiese en anti-Westerse beleidsrigtings te help stuit. Volgens Jaco Kleynhans, hoof van internasionale skakeling by die Solidariteit Beweging, is daar die afgelope maande voortdurend met lede van die Amerikaanse kongres, sowel as politici in verskeie Amerikaanse deelstate, hieroor geskakel.

“Ons verwag dat die druk op die ANC-regering oor die volgende maande wesenlik gaan toeneem. Terwyl gister se verhoor in Washington ŉ voorsmakie daarvan gebied het, verwag ons ook dat politici in verskeie deelstate binnekort sterk standpunt gaan inneem teen die sentralisasie van mag deur die ANC, nuwe diskriminasie teen minderhede in Suid-Afrika, die voortdurende staatskaping en korrupsie deur die ANC, die EFF en sommige ANC-politici se rassistiese retoriek asook teen die regering se beleid wat pro-China en pro-Rusland is en wat toenemend ook ŉ anti-Westerse kleurtjie kry.”

James was veral krities oor die ANC se beplande wetgewing oor onteiening sonder vergoeding en die agteruitgang van demokrasie in Suid-Afrika. “Geen land ter wêreld het demokraties gebly nadat weggedoen is met die bevolking se regte op privaat eiendom nie en ek bly bekommerd oor die ANC se wegdrywing van demokrasie en konstitusionele heerskappy, veral in die lig van die Verkiesingswysigingswet wat in April bekragtig is – wetgewing wat die fundamentele demokratiese beginsel van proporsionele verteenwoordiging ondermyn.”

Volgens Human het die Solidariteit Beweging verlede week sowel die voorgestelde wysiging van artikel 25 van die Grondwet, die sogenaamde eiendomsklousule, as die Onteieningswetsontwerp aan James se beleidshoof oorhandig. “Suid-Afrika, as ŉ veronderstelde grondwetlike demokrasie, het privaat eiendomsreg in 1996 in die Grondwet verskans, met ŉ noodsaaklike klousule wat bepaal dat geen eiendom sonder vergoeding onteien mag word nie. Die ANC is nou vasbeslote om dit te verander, en die roete van Venezuela en andere te volg om die demokratiese imperatief van eiendomsreg omver te werp. Die wetsontwerp oor die grondwetwysiging is hierby aangeheg. Ná ŉ eerste ronde van openbare verhore en insette het die proses tot ŉ stilstand gekom. Die kwessie kan egter op enige tydstip weer opvlam,” aldus Human.

Volgens Kleynhans beplan die Solidariteit Beweging om Suid-Afrika se beleidsrigting oor die volgende paar maande deur omvattende druk uit die VSA in die regte rigting te help stuur. “Ons het vandag weer ŉ beroep op politici gedoen om nie gewone mense in Suid-Afrika deur strenger handelsbeperkings en soortgelyke maatreëls te straf nie, maar om die ANC se korrupsie, wanbestuur, diskriminasie en ideologies-gedrewe buitelandse beleid feller te kritiseer en die ANC-regering verder te isoleer. Ons werk ook aan ŉ omvattende plan om steun in die VSA vir die burgerlike samelewing in Suid-Afrika te werf. Gister se verhoor in Washington help om momentum hiervoor te skep.”

Lees kongreslid John James se volledige toespraak hier:
https://cms.solidariteit.co.za/wp-content/uploads/2023/09/Congressman-John-JAMES_Opening-Statement_Subcommittee-on-Africa-27.09.2023.pdf

Jaco Kleynhans
Hoof: Internasionale Skakeling
Solidariteit Beweging

Werner Human
Operasionale Hoof
Solidariteit Beweging

Solidariteit Beweging vra VSA Kongres: behou SA in AGOA; neem standpunt in teen regering

Posted on November 1, 2023November 1, 2023 by BeweegAdministrator

’n Afvaardiging van die Solidariteit Beweging het gister en vandag in die Amerikaanse hoofstad, Washington DC, samesprekings gevoer met verteenwoordigers van die Buitelandse Sake-komitees van die Amerikaanse Senaat en Huis van Verteenwoordigers. Die Beweging het ’n versoek aan Amerikaanse politici gerig om Suid-Afrika se voortgesette deelname aan AGOA te steun, terwyl die komitee ook versoek is om sterker standpunt in te neem teen die ANC-regering se toenemende vriendskappe met outoritêre lande soos Rusland, China en Iran, asook teen staatskaping, korrupsie, misdaad, die verval van infrastruktuur en diskrimininasie teen minderhede in Suid-Afrika.

Volgens Jaco Kleynhans, hoof van Internasionale Skakeling by die Solidariteit Beweging, is daar tans in die Amerikaanse Kongres ’n nuwe belangstelling in die internasionale rol wat Suid-Afrika speel. “Dit is duidelik dat gebeure sedert die uitbreek van die oorlog in Oekraïne ernstige vrae in Washington DC laat ontstaan het oor Suid-Afrika se erns met sy onverbonde internasionale posisie. Die onlangse Brics-beraad is ook in Washington dopgehou omdat dit duidelik is dat China die septer binne Brics swaai en dat Suid-Afrika gemaklik daarmee saamgaan dat Brics vanaf volgende jaar deur outoritêre state gedomineer sal word. Ons boodskap aan Amerikaanse politici is egter om nie hoop op te gee met Suid-Afrika nie. Daar is tans ’n groot verval van demokrasie in verskeie Afrika-streke. Suid-Afrika bly steeds ’n demokratiese land en die VSA kan deur sy invloed ’n belangrike rol speel om dit in stand te hou.”

Die Solidariteit Beweging besoek oor die volgende drie weke meer as tien Amerikaanse deelstate en sal met politici op federale vlak en in verskeie deelstate vergader. “Ons wil verseker dat ons lede se belange beskerm word. Daarvoor is dit noodsaaklik dat Suid-Afrika die volgehoue voordeel van die AGOA-ooreenkoms moet geniet. In onder andere die landbou-, mynbou- en motorvervaardigingsbedryf en al die sekondêre bedrywe wat voordeel uit groei in hierdie bedrywe geniet, het ons ’n sterk mandaat van ons lede om alles moontlik te doen om Suid-Afrika se posisie binne AGOA te beskerm. Ons vra die Amerikaners egter nie net om Suid-Afrika binne AGOA te hou nie; ons vra ook dat dit gepaard moet gaan met skerper kritiek en druk op die SA regering. Dit is belangrik dat Amerikaanse politici standpunt inneem oor Suid-Afrika se buitelandse beleid en ook oor gebeure in Suid-Afrika.”

Die Solidariteit Beweging se huidige besoek aan die VSA het ten doel om Amerikaanse beleid jeens Suid-Afrika direk te beïnvloed. Volgens Kleynhans sal hulle ook gesprekke met politici van die Huis van Verteenwoordigers en beamptes in die Amerikaanse Departement van Buitelandse Sake voer. “Ons ontmoet ook met verskeie drukgroepe en Amerikaanse media om gebeure in Suid-Afrika te bespreek. Ons boodskap is nie net negatief nie. Ons boodskap is juis dat in ’n tyd waar die Afrika-kontinent tans groot onstabiliteit ervaar met militêre staatsgrepe, outokratiese regerings wat alles doen om hulle mag te behou, en groeiende interne konflik in tientalle Afrika-lande, Suid-Afrika steeds ’n bakermat van demokrasie en ’n vryemarkekonomie in Afrika kan wees. Om dit te verseker is politieke verandering in Suid-Afrika egter nodig en daarom moet die buiteland, insluitende die VSA, die burgerlike samelewing, die privaat sektor en instellings wat politieke verandering in Suid-Afrika bevorder, ondersteun.”

Ons versoek die Amerikaanse regering onder andere om die volgende te doen:

1. Verhoog die druk op die ANC-regering, veral in die lig van die gevaarlike belyning met lande soos China en Rusland en die risiko’s wat dit vir alle Suid-Afrikaners inhou.
2. Dit is ook nodig om openbare uitsprake te maak teen staatskaping, korrupsie, misdaad, die miskenning van minderheidsregte, die sentralisering van mag binne die ANC en nuwe rassisme soos vervat in uitsprake dat boere vermoor moet word. Dit is dus belangrik dat Amerikaanse leiers en instellings hulle sterk moet uitspreek oor wat in Suid-Afrika gebeur.
3. Handhaaf sterk ekonomiese bande met Suid-Afrika omdat sulke bande die private sektor en die burgerlike samelewing wat krities teenoor die ANC is, versterk. Dit sluit die behoud en uitbreiding van AGOA en voortgesette belegging in die private ekonomie in Suid-Afrika in.
4. Ondersteun burgerlike organisasies en die politieke opposisie deur morele, finansiële en ander ondersteuning. Skep ’n platform in die VSA om hierdie organisasies en leiers toegang te gee tot hulpbronne en ruimtes om die gesprek oor Suid-Afrika te bevorder – ook in die VSA.
5. Gebruik internasionale multilaterale organisasies om druk op die ANC-regering uit te oefen. Dit sluit reeds bestaande prosesse by die Verenigde Nasies in.

Die Solidariteit Beweging sal ook oor die volgende paar dae met politici in deelstate soos Texas, Michigan, Virginia en Suid-Carolina ontmoet om handel en ander vorms van samewerking te bespreek.

Jaco Kleynhans
Hoof: Internasionale Skakeling
Solidariteit Beweging

Werner Human
Operasionale Hoof
Solidariteit Beweging

Ernst Roets aangestel as beleidshoof van die Solidariteit Beweging Trust

Posted on August 3, 2023 by BeweegAdministrator

AfriForum se bestuurshoof vir strategie en internasionale skakeling, dr. Ernst Roets is pas as beleidshoof van die Solidariteit Beweging aangestel. In sy nuwe hoedanigheid sal Roets voortaan verantwoordelik wees om die beleid en strategie onder die instellings van die Solidariteit Beweging te koördineer, en om openbare inkoop vir hierdie strategie te bevorder. Dit behels ook dat hy voortaan ŉ werknemer van die Solidariteit Beweging sal wees.

Roets het gesê dat hy met groot waardering terugkyk op die afgelope dertien jaar wat hy as werknemer by AfriForum deurgebring het, maar dat hy terselfdertyd met groot opwinding vorentoe kyk op die nuwe taak wat vir hom voorlê. Meer inligting in hierdie verband sal in die komende maande bekendgemaak word.

Flip Buys, voorsitter van die Solidariteit Beweging het gesê Roets se aanstelling volg op die noodsaak om die Beweging se beskermings- en bouprojekte te versnel weens die ewigdurende verswakkende toestand in die land. Roets het onlangs sy doktorsgraad in Regsgeleerdheid voltooi, wat hom toerus en bekwaam om diepte te gee aan die federale planne van die Beweging wat vroeg in Oktober bekendgemaak sal word.

Die Solidariteit Beweging Trust bind die meer as 20 instellings van die Solidariteit Beweging saam en koördineer hulle werk. Flip Buys is voorsitter, Werner Human die operasionele hoof, en Jaco Kleynhans die hoof van internasionale skakeling by die Solidariteit Beweging. Die 12 trustees wat deel uitmaak van hierdie trust verteenwoordig die grootste instellings van die federale beweging. Hulle sluit onder meer in dr. Dirk Hermann, bestuurshoof van Solidariteit, Kallie Kriel, uitvoerende hoof van AfriForum, Henk Schalekamp van die Solidariteit Beleggingsmaatskappy, prof. Danie Goosen, voorsitter van die FAK, en Hannes Noëth, uitvoerende direkteur van Solidariteit Helpende Hand.

Straf die regering, nie die land nie, vra Solidariteit Beweging

Posted on May 12, 2023 by Michelle Olivier

Die Solidariteit Beweging het vandag gevra dat die Amerikaanse regering nie die land en sy mense moet straf vir wat die regering aanvang nie, maar regeringsleiers self teiken met hul verwagte strafmaatreēls.

Volgens Flip Buys, voorsitter van die Solidariteit Beweging gaan die nuutste ramp wat die regering oor Suid-Afrika gebring het deur wapens aan Rusland te lewer, die land en sy mense duur te staan kom. Die VSA het reeds streng sanksies teen talle lande wat teen hulle kant gekies het in die oorlog in Oekraine.

Die Amerikaanse Ambassadeur het waarskynlik opdrag van President Biden gekry om in die openbaar standpunt in te neem. Dis hoogs waarskynlik dat die onlangse Suid-Afrikaanse afvaardiging na die VSA onder leiding van mnr Sidney Mufamadi misluk het om gemoedere in Washington te kalmeer.

Die regering se optrede is onverskoonbaar, omdat dit kom in ‘n tyd wat die land reeds diep in die moeilikheid is. Hierdie nuutste fout verseker bykans die kans op ‘n resessie, en die val in die rand verhoog allle landsburgers se reeds hoë lewenskostes.

Daarom is daar net een boodskap wat die Solidariteit Beweging aan die Amerikaners kan rig, en dit is dat hulle nie die land moet straf vir wat die regering aanvang nie. Hulle moet eerder die verantwoordelike regeringsleiers self teiken vir hul beoogde strafmaatreëls.

Hierdie optrede van die ANC is ‘n diplomatieke ramp. Suid-Afrika kan nie bekostig om in konflikte betrokke te raak waarby ons geen belang het en wat duisende kilometers van ons is nie. Die regering behoort in landsbelang op te tree, en nie vas te steek in die vergete Koue Oorlog era nie.

Die kanse vir ‘n 2023 resessie is nou deur die regering vergroot en die ANC se optrede verswak die rand so dat almal se lewenskostes verhoog. Die grootskaalse verkoop van SA baseerde aandele benadeel alle pensioenfondslede, en die ANC moet daarvoor verantwoording doen. Die regering se optrede kan ook duisende mense se werk kos omdat dit neerkom op ‘n verbreking van die gunstige (Afrika groei en geleenthede wet AGOA) handelsooreenkoms met die die VSA.

Dit is duidelik dat die regering lynreg teen die nasionale belang optree, en die betrokke regeringsleiers het volgens regslui ook wette oortree deur wapens te lewer aan ‘n land wat in ‘n oorlog betrokke is.

Dis algemene kennis dat die SANW in ‘n hopelose toestand is, en nie in staat is om sy basiese pligte uit te voer nie. Dit blyk uit die powere stand van die lugmag, leër én vloot.

Die regering het terselfdertyd die land se Verdedigingsbedryf tot op die grond afgebreek deur die skandelike vernietiging van Denel.

Die land wag nog ook in spanning vir vervolgings in die wapenskandaal wat dekades gelede al plaasgevind het. Daarby kom die vraag of daar enige korrupsie by die wapenverskaffing betrokke was.

Die regering het nou al genoeg skade aangerig, wat gesien kan word aan verval van die land op elke denkbare gebied. Die jongste krisis kan daartoe lei dat die land weer die Muishond van die wêreld word, en ‘n teiken van diplomatieke, ekonomiese en politieke strafmaatreëls.

Daarom behoort hierdie korrupte en onbevoegde ANC-regering te bedank. Die land kan hulle net nie meer bekostig nie.

Toespraak: Helpende Hand Kerkekongres.

Posted on February 27, 2023February 27, 2023 by Paul Maritz

(Hierdie toespraak is gelewer op 6 November 2019 tydens Helpende Hand se Kerkekongres)

Inleiding:

Preek vir die verkeerde mense!
Kritiese vrae bedoel om te help dink, nie om die wat in Koninkryk werk te kritiseer
Afrikanerfokus bedoel nie Volkskerk nie
Marx: idees van regerende klas in kerke… Staatskerk
Antwoord: Kerk is God se Kerk, gelowiges maar ook Afrikaner gelowiges
Namibië: Kerk het volk gelos, toe los die volk die Kerk
Verwaarloos die Afrikaner: Groot Trek na toekoms sonder die Kerkleiers
Armoede oplossings: Reformasie, Restourasie en Rewolusie

Vyf vrae aan die kerklike leierskap

Verbond en kontrak
Aandadig aan verlamming?
Vervreemding van nageslag
Armoede en geestelike armoede
Heilige kultuur en kulture vandalisme
Verbond en Kontrak

Tans lê die klem slegs op die individu/enkeling. Daardie uitgangspunt kom vanuit die sosiale kontrak idee, wat by baie kerke die verbondsidee op die agtergrond geskuif het.

Dit voel soms vir my asof dele van die kerklike leierskap homself van die lidmate vervreem wat werklik ook gemeenskap soek – wat weet dat gebondenheid ŉ geskape werklikheid is?

Waarom skimp die kerklike leierskap dat om in jou gemeenskap betrokke te wees, dit eintlik teen die wil van die Here is, asof dit selfsugtig sou wees? (Uitreikaksies)

Waarom sien sommige kerke (wat net die individu beklemtoon) ‘n teenstelling tussen gemeente en gemeenskap?

Daar is ŉ ooglopende verskil tussen die Rooms Katolieke en Protestante siening oor armoede. In lande waar die Katolisisme die oorhand gehad het, is bedelary nooit eintlik streng verbied nie. Die rede was dat die RK ŉ bedelaar gesien het as ŉ getroue vergestalting van Christus self, in sy aardse armoede. Die protestante lande het egter almal deur die band bedelary amptelik verbied en vervang met werkshuise. Die rede voor was dat werk as ŉ wesenlike deel van ŉ God verende lewe gesien is.

As mens hierdie beeld mag toepas op die Afrikaner kan gevra word: Moet die Afrikaner bly bedel of mag die Afrikaner self werk? Die protestante kerke in die algemeen wil nie iets positief sê oor die Afrikaner as kultuur groep nie. Waar die Afrikaner tans selfstandigheid en self werksaamheid al hoe meer begin beoefen, hoe meer gaan die stemme van kerk leiers op, wat kwaai oor die bril loer en sê: moenie selfsugtig wees in jou self werksaamheid nie.

Het die kerklike leierskap nie die verbond omgeruil vir die kontrak nie. Dit beteken dat die klassieke liberale siening dat net individue bestaan en as keuse ŉ groep vorm. Die verbondenheid wat geslagte met mekaar het, word nie eintlik in berekening gebring nie. Die kerke aanvaar die Suid-Afrikaanse sosiale kontrak as die verstek posisie. Van daaruit lewer hulle kritiek op kulturele selfstandigheid. Dit is seker enige iemand se goeie reg om die sosiale kontrak te ondersteun – maar om dit op te dien as evangelie is ŉ ander saak. Transformasie is nie reformasie nie. Nasiebou is nie volksmoord nie. Verskraal tot inlywing by die meerderheid.

Die kerklike leierskap het in ŉ groot mate verwyder geraak van die gewone mense.

Is die kerke soms aandadig aan die geestelike en gemeenskaplike verlamming wat tans heers?

Waarom praat die kerke nie oor aktuele sake van die dag nie?

Wat is die praktiese uitwerking van die geloof in die opstanding van Jesus vandag? Is dit nie ŉ hoopvolle toekoms nie in praktyk nie?

In Ruanda met die volksmoorde daar was sommige van die RK priesters as kerk aandadig in hierdie uitwissing. Laat dit ŉ voorbeeld vir ons wees, dat die kerk nooit moord mag goedpraat nie, ook nie kulturele moord mag duld nie. Wanneer die kerk niks sê oor taal diskriminasie nie, berei hulle nie die grond voor vir kultuur uitwissings nie? Dit gaan tog nie net oor taal as klank nie, maar ook die spreker van die taal se bestaan. As die Afrikaanse kerke tans so in ŉ transformasie ywer hulle Afrikaanse eredienste omruil vir Engelse dienste, is daarin nie die kiem van kulturele vandalisme in geleë nie? Waarom verwar die kerklike leierskap transformasie met reformasie. Transformasie dryf die voortgaande rewolusie. Reformasie dryf die voorgaande heiliging van kultuur. Die een verwoes kulture tot ŉ monokultuur (Vgl. Marcuse se One dimensional man; asook The Emerging Monoculture: Assimilation and the “model Minority“deur W E. Watson, & S. Cuban (2003).

Deurdat die kerk se stem stil is oor die aardse verwagting, en bykans net oor die hemelse paradys preek, bewerk die kerklike leierskap ŉ baie gevaarlike vervreemding. Waarom is die kerklike leierskap agter die tyd? Hulle veg drake soos nasionalisme wat nie bestaan nie, en verhinder die beskerming van kultuur op sg. geloofsgronde. Hulle tree werklikheidsvreemd op, en vervreem daardeur die gewone lidmate. Deur eensydig klem te lê op die individu werk die kerke mee aan die vervreemding van die geslagte met mekaar. Die verbinding aan God se beloftes gaan tog ook oor die realisering daarvan in die nageslag se lewe?

Waarom maak die kerklike leierskap of God se belofte net ŉ individuele kant het.

Waarom skep die kerklike leierskap ŉ geestelike generasie gaping deur die nageslag te vervreem van die konkrete beloftes van God?

As die Here Jesus sê: Salig is die armes van gees, dan bedoel Hy die mense wat weet hoe afhanklik hulle van God is. Die kerklike leierskap kom oor asof hulle sê: salig is die geestelike armoede.

4. Waarom spreek die kerke nie die verband tussen geestelike, kulturele en fisiese armoede direk aan nie?

Jared Diamond: Culture or Welfare

Programs to reverse Indian cultural disintegration would be far better than welfare programs, for Indian minorities and for majority taxpayers alike. Similarly, those foreign countries now wracked by civil wars along linguistic lines would have found it cheaper to emulate countries based on partnerships between proud intact groups than to seek to crush minority languages and cultures.

5. Waarom laat die kerklike leierskap die (ont)heiliging van die volkere se lewe aan die duiwel oor?

Waarom preek die kerke nie ook vir die volke nie, soos wat hulle plig is, aangesien God ook erfbesit oor die volke het. Die reformasie stel juis dat elke deel van die werklikheid die koningskap van God moet verkondig.

Wanneer ŉ volk ontstaan wil God ook uit daardie volksgemeenskap lof en eer ontvang. Die Bybel is tog duidelik dat gebondenheid aan God die boom en die bos insluit. Die individue en die groep saam moet hulle eer as dankbare geskenke aan God bring. Waarom het die kerklike leierskap eintlik oorgegee aan die liberale denkraamwerk wat eensydig klem op die enkeling lê. Waarom preek die kerke nie ook vir die volke soos wat ook hulle plig is nie? Die ander kant is om vryheid tot ŉ geheiligde kultuur te verkondig.

“En die nasies van die wat gered word, sal in die lig daarvan wandel, en die konings van die aarde bring hulle heerlikheid en eer daarin.” Open 21:24

Die Solidariteit Beweging geskok deur moord op Schalk Pienaar

Posted on September 20, 2022 by Michelle Olivier

Die Solidariteit Beweging is geskok deur die moord op die bekende prokureur en oudpolitikus Schalk Pienaar, wat op Maandagaand (19 September) by sy huis in Mokopane in Limpopo doodgeskiet is.

“Die Solidariteit Beweging is geskok deur die manier waarop Pienaar koelbloedig vermoor is. Die aard van die aanval op Pienaar skep die indruk dat dit hier om meer as net ŉ “gewone” moord gaan. Daar word vertrou dat die SAPD prioriteit sal gee aan die ondersoek na die moord en die Beweging sal die vordering daarmee dophou.

Daar word vertrou dat geregtigheid sal geskied,” sê Flip Buys, voorsitter van die Solidariteit Beweging.

Die Solidariteit Beweging veroordeel die moord ten sterkste en betuig simpatie met Pienaar se naasbestaandes.

Ramptoestand moet beëindig word; regstappe kom – Solidariteit Beweging

Posted on January 18, 2022 by Francois Francois Redelinghuys

Die Solidariteit Beweging, waaronder Solidariteit en AfriForum, het vandag standpunt ingeneem deur te stel dat daar geen verdere rede bestaan waarom die huidige ramptoestand, wat al sowat 22 maande in werking is, van krag moet bly nie. Dit volg nadat die ramptoestand onlangs weer deur die regering verleng is.

Volgens Flip Buys, voorsitter van die Solidariteit Beweging, begin dit blyk dat die pandemie nou na ŉ endemiese fase beweeg. Voorts blyk dit dat daar nou verhoogde groepimmuniteit teen Covid-19 te bespeur is met die Omikron-variant wat tot minder ernstige siekte en sterftes gelei het. “Die feit dat die virus nou endemies is, beteken dat die virus nie gaan weggaan nie maar dat daar met die virus saamgeleef moet word. Dit beteken voorts dat uitsonderlike maatreëls deur die staat, soos wat onder ŉ ramptoestand ingestel kan word, nie meer nodig is om die virus in bedwang te probeer hou nie,” het Buys gesê.

Volgens Buys is die Beweging ook baie bekommerd oor die stand van skole in Suid-Afrika weens beperkings wat onderwys belemmer. “Die feit dat baie skole steeds nie na normale funksionering kan terugkeer nie, verdiep die kommer oor die toekoms van ŉ hele generasie leerders,” het Buys gesê.

Beide AfriForum en Solidariteit gaan voorts met regstappe begin om sodoende die howe te vra om die ramptoestand te beëindig.

Volgens Kallie Kriel, uitvoerende hoof van AfriForum, hou die ramptoestand ‘n bedreiging vir vryheid in, aangesien dit aan die regering buitengewone mag gee om burgerlike vryhede dramaties in te perk sonder dat sodanige mag op enige wyse aan parlementêre toesig en besluitneming onderwerp word. “Die feit dat die ramptoestand aanhoudend verleng kan word sonder parlementêre goedkeuring, is ŉ ernstige skending van gesonde demokratiese beginsels,” het Kriel gesê.

Volgens dr. Dirk Hermann, bestuurshoof van Solidariteit, skep die huidige ramptoestand groot onsekerheid vir werkers, maatskappye en die ekonomie oor die algemeen, en dit moet dus beëindig word. “Die ramptoestand stel die regering in staat om op kort kennisgewing maatreëls in plek te stel wat besighede en werkers se lewensbestaan beïnvloed. Hierdie swaard wat oor die ekonomie hang skep onsekerheid vir kapitaalvorming en verdere uitbreiding in ŉ tyd waar ekonomiese groei nou van kardinale belang is,” sê Hermann.

Volgens Jacques Broodryk, AfriForum se veldtogtebestuurder, sal die organisasie eersdaags sy hofstukke indien.
“AfriForum het reeds verskeie van die regering se verregaande maatreëls aangevat, insluitend die aandklokreël, staatskwarantynkampe en die verbod op godsdienstige byeenkomste. Dit is nou hoog tyd dat die ramptoestand in sy geheel opgehef word,” sê Broodryk.

Hermann sluit af deur te sê dat argumente dat die ramptoestand nie op kort kennisgewing beëindig kan word nie, gerieflikheidshalwe vergeet van die regulasies wat met “onmiddellike effek” onder die ramptoestand ingestel en afgedwing is.

Verdere besonderhede oor die voorgenome regstappe word binnekort bekend gemaak.

Onluste – Solidariteit Beweging sê aan lede: Bly kalm en organiseer

Posted on July 14, 2021 by Francois Francois Redelinghuys

Die Solidariteit Beweging het vandag by ŉ mediakonferensie sy ondersteuners aangemoedig om te midde van die onluste wat sekere dele van die land teister, hul weerbaarheid op te skerp, kalm te bly en by hul plaaslike buurtwag aan te sluit.

Volgens Flip Buys, voorsitter van die Solidariteit Beweging, het die faksiegevegte in die ANC wat aanvanklik tot die plundery aanleiding gegee, ŉ platform gebied vir kriminele elemente om die situasie te misbruik om te steel en te buit. Buys het ŉ beroep op wetstoepassers gedoen om die orde te herstel en die skuldiges aan te keer. Volgens Buys moet die publiek egter nie hul veiligheid en dié van hul gesinne en gemeenskappe net aan die SAPD oorlaat nie want hulle kan self baie doen om hul eie weerbaarheid binne die raamwerk van die wet te verskerp. “As jy jouself en jou gesin kan beskerm, kan jy ook jou bure beskerm. As jy jou bure beskerm, kan julle saam julle gemeenskap beskerm,” het Buys bygevoeg. Buys het mense aangemoedig om by een van AfriForum se buurtwagte wat landswyd gevestig is, of by ander gemeenskapsveiligheidstrukture aan te sluit.

Kallie Kriel, uitvoerende hoof van AfriForum, het gesê georganiseerde gemeenskappe hoef nie in vrees te verval nie en kan kalm bly in die wete dat hul veiligheid in hul eie hande is. Dit is volgens Kriel nie ŉ vreemde verskynsel dat gemeenskappe self verantwoordelikheid vir hulle eie veiligheid aanvaar nie, soos wat verskeie gemeenskappe in KwaZulu-Natal die afgelope paar dae gewys het. Afrikaners het ook in die geskiedenis telkens self verantwoordelikheid vir hul eie veiligheid aanvaar. “AfriForum het die afgelope paar jaar baie hulpbronne daarin belê om gemeenskapsveiligheidstrukture tot stand te bring en beskik reeds oor 159 buurtwagte, ŉ netwerk van beheerkamers, ŉ landswye radionetwerk, 12 500 buurtwag-vrywilligers, ŉ lugvleuel met 53 hommeltuig-vlieëniers en goed opgeleide personeel en vrywilligers. Benewens dit werk AfriForum saam met ŉ netwerk van ander buurtwagte, GPF-strukture, sekuriteitsmaatskappye en op talle plekke met plaaslike polisiestasies,” het Kriel gesê.

Volgens Kolonel Jan Wessels, AfriForum se veiligheidshoof, het AfriForum reeds by die aanvang van die onluste sy bestaande gemeenskapsveiligheidsplanne in werking gestel deur AfriForum se buurtwagte op bystand te plaas. Wessels het daarop gewys dat AfriForum se beheerkamers en grondvlakstrukture die situasie fyn monitor, dat riglyne aan AfriForum se buurtwagte gestuur is om hul bestaande veiligheidsplanne verder te verfyn met inagneming van die huidige omstandighede. Buurtwagte is gevra om sigbaarheid te verhoog en mekaar en ander rolspelers waar nodig by te staan. “AfriForum gaan nie by die konflikte op snelweë en ander prominente plekke betrokke raak nie, maar gaan wel al ons aandag fokus om binne die raamwerk van die wet gereed te wees om die veiligheid van woonbuurte waar ons funksioneer te help verseker,” het Wessels gesê.

Besoek www.afriforumbuurtwag.co.za om by een van AfriForum se buurtwagstrukture aan te sluit.

Die Solidariteit Beweging doen ook ŉ beroep op lede van die publiek om die Beweging se Krisisfonds te steun om Solidariteit Helpende Hand in KwaZulu-Natal in staat te stel om lewensmiddele aan lede van die gemeenskap beskikbaar te stel. Gebruik dié skakel om by te dra: www.krisisfonds.co.za.

Entstowwe: doeltreffend en veilig, maar elkeen moet kan kies – Solidariteit Beweging

Posted on July 11, 2021 by Francois Francois Redelinghuys

Die Solidariteit Navorsingsinstituut het in ŉ omvattende wetenskaplike verslag bevind dat entstowwe ŉ doeltreffende en veilige manier is om die Covid-19-pandemie te beëindig. Die verslag ondersteun ook mense se vryheid om self te kan kies. Sterk kritiek word ook op die regering se sentrale beheer van die entstofprogram gelewer en gevolglik is daar ook bevind dat die privaat sektor op groot skaal betrokke moet raak.

Volgens Flip Buys, voorsitter van die Solidariteit Beweging, gaan groot getalle van die Solidariteit Beweging se lede en ander Suid-Afrikaners binne die volgende weke ŉ keuse oor entstowwe moet maak. “Ons wil ons lede en ander Suid-Afrikaners in staat stel om verantwoordelike keuses te maak. Covid-19 tref ons almal swaar en almal smag daarna om ŉ einde aan die pandemie te bring. Met al die menings, fopnuus en politieke agendas wat die rondte doen, is goeie wetenskaplike navorsing noodsaaklik. Uit die bevindinge in die verslag kan ons ons lede aanmoedig om wel die entstowwe te gebruik, maar op voorwaarde dat elkeen self ŉ verantwoordelike besluit moet neem en sy eie unieke omstandighede in ag sal neem. Die data wys een risiko uit wat baie groter is as entstowwe vir die meeste mense: dit is om nié entstowwe te gebruik nie.”

Volgens die verslag, waarin ’n behoorlike internasionale studie gedoen is, is bevind dat entstowwe wel doeltreffend is. In lande soos Israel, die Verenigde Koninkryk en Hongarye is daar ŉ regstreekse verband tussen die toediening van entstowwe, ’n afname in infeksies en veral ŉ afname in hospitalisasie en sterftes. Pfizer, Moderna, AstraZeneca en Johnson & Johnson is effektief. Dit is ook op grond van bevindinge in die betrokke verslag dat die Solidariteit Beweging nie die Chinese entstof SinoVac asook nie die Russiese Sputnik V-entstof kan aanbeveel nie. Die beskikbaarheid van bestaande data is onvoldoende, wat tot gevolg het dat geen gevolgtrekking tans oor die doeltreffendheid van hierdie twee entstowwe gemaak kan word nie.

Daar is ŉ grondige ondersoek gedoen na data van aanmeldings van newe-effekte, soos deur Connie Mulder, hoof van die Solidariteit Navorsingsinstituut, gestel. “Behoorlike wetenskaplike navorsing is gedoen en oorspronklike data is gebruik sodat afleidings waterdig is. Daar is bevind dat die entstowwe wel in ŉ groot mate veilig is. Soos ander medikasie is daar newe-effekte, maar vir die meeste mense is die risiko wat Covid-19 inhou baie hoër as die risiko wat die entstowwe inhou.”

Mulder sê ook dat nie een van die entstowwe totale beskerming teen Covid-19 kan bied nie, maar dat dit wel omvattende beskerming teen ernstige simptome en sterftes bied. Dit is waarskynlik nie nodig dat kinders die entstof ontvang nie, maar ouers kan goeie mediese advies by dokters inwin.

Die data wys dat die aansprake dat groot getalle mense weens die toediening van die entstof doodgaan, eenvoudig nie waar is nie. Die risiko vir bloedklonte en hartverwante newe-effekte is klein. Die meeste newe-effekte wat aangemeld is, is lig en stem ooreen met dié van enige ander entstof.

Die navorsers het ook bevind dat dit belangrik is dat individue wat reeds gesondheidsprobleme ondervind, tans siek is en voorheen newe-effekte van entstowwe ondervind het, eers met hul dokter moet skakel om seker te maak of dit veilig is om teen Covid-19 ingeënt te word.

Volgens Kallie Kriel, uitvoerende hoof van AfriForum, moet mense wat ŉ keuse wil maak, ŉ keuse kan maak. “Die regering se sentralisasie van entstowwe veroorsaak ŉ bottelnek in die entstofproses. Dat die proses gemonopoliseer word, is onaanvaarbaar. Die privaat sektor moet op alle vlakke van die waardeketting op ŉ groot skaal betrokke raak. Dit is nie net belangrik dat mense moet kan kies of hulle ŉ entstof wil ontvang nie, maar ook watter entstof hulle wil ontvang.”

Volgens dr. Dirk Hermann, bestuurshoof van Solidariteit, word Solidariteit se lede, soos talle ander Suid-Afrikaanse burgers, tans ernstig deur die derde golf van die Covid-19-pandemie getref. “Ons lede is moeg vir inperkings en wil daaruit kom. Inenting kan beslis ŉ groot rol speel om uit die pandemie te kom. Vertrouensvlakke in die regering is met reg baie laag. Daar is ŉ fyn lyn tussen vertroue in die regering en vertroue in entstowwe. Die regering het sy mag tydens die inperking misbruik, vryhede weggekalwe en ŉ teelaarde vir skeptisisme oor entstowwe geskep.

“Wat ons nou moet doen is om na die feite te kyk. Ons moedig almal aan om hul omstandighede te evalueer en hul besluit (verantwoordelik) te neem en hul vryheid van keuse uit te oefen,” sluit Hermann af.

Laai die verslag hier af: http://soli.online/2yr